Imam Bedruddin El-Ajni

Emri i plotë i Imamit është Mahmud Ibën Ahmed ibën Musa ibën Ahmed ibën Husejn ibën Jusuf ibën Mahmud El-Ajntabi El-Hanefi. Kishte llagapin Ebu Thena dhe Ebu Muhammed. Imam Ajni lindi më 26 ramazan në vitin 762 h. në lagjen Kikën në Ajntab, ashtu siç e tregon nxënësi i tij Tegri Berdi. Imam Ajni u rrit në një familje të shkencës, të fesë e të mirësisë. Që si fëmijë i ati e dërgon të mësojë Kur’an tek El-Muizz el-Hanefiu  ku e mësonte atë dhe lexonte përmendësh sipas kiraetitit të Hafsit.

Tek i ati Ebul-Abbasi mësonte fikhun. Imam Ajni mësoi tek imamët më të dalluar të qytetit të tij: Esh-Shems Muhammed Er-Rai, Xhibril Ibën Salih El-Bagdadi, Hajruddin El-Kusejr, Dhenun Es-Surmarij e të tjerë. Përpara Mikail Et-Turkmanit lexoi “Kudurin” në fihun hanefi, „El-Mendhumeh“ të Nesefiut në lëminë e Hilafit, ashtu si dhe librin „Mexhmeu’l-Bahrejni“ të ibën Es-Saatiut. Nga dëshira për të nxënë dije ai do të udhëtojë në qytete të ndryshme. Sëpari në Halep, pasta në Kuds ku në shoqëri me shejh Alaudin Es-Sajrami do të udhëtojë për në Kairo, atëherë kryeqytet i Memalikëve dhe dijetarëve të dinastisë së tyre.

Imam Kemal ibën El-Humam

Ky është Imami, muhadithi, gjuhëtari, fekihu Muhammed ibën Abdulvahid ibën Abdulhamid Kemaluddin i njohur si Ibën Humam Iskenderi Sivasi. I ati i imamit ishte kadi i qytetit Sivas të Rumelisë, i cili pastaj kalon në Kairo dhe vendoset edhe aty si kadi. Lindi në vitin 788 dhe u mor me veprimtari shkencore pasi u rrit nën kujdesin e të atit dhe dijetarëve të vendit.

E lexoi librin e Hidajes përpara Imam Siraxhuddinit i njohur si „Kariu’l-Hidaje“. Ishte një i Imam i dalluar për shkathtësitë polemizuese të tij, studiues i rrallë, usuli, muhadith, mufessir, gjuhëtar gramaticient. Ka një sërë veprash të konsiderueshme. Më e njohura prej tyre është libri në të cilin e shpjegon „Hidajen“ i quajtur „Fet’hu’l-Kadir“, libri „Et-Tahrir“ në usul dhe një varg veprash tjera.

Nga nxënësit e tij më të dalluar janë: Shemsuddin Muhamme i njohur si Ibën Emir Haxh El-Halebi, Muhammed ibën Muhammed Esh-Shuhneh, Sejfuddin ibën Ummer Kutlubuga dhe të tjerë.

Imam Ebu Bekr El-Merginani

Ky është Imam Ali ibën Ebu Bekr ibën Abdu’l-Xhelil El-Fergani El-Merginani. Ishte imam, muhaddith, mufessir, i saktë e i përpiktë në njohuritë e tij. Ishte i devotshëm e modest, shumë i mbërimë në shkencën e fikhut dhe të hilafit.

Mësuesit e tij ishin: Imam Ebu Hafs Ummer En-Nesefi, Sadrushehid Husamuddin Umer ibën Abdulaziz ibën Mazeh, Dijauddin Muhammed ibën Hasan El-Bendixhi, Umer ibën Uthman El-Bejqindij, Kivamuddin Ahmed ibën Abdurreshid El-Buhari.

Nga shokët më të dalluar të imam Merginanit janë: Imam Fahruddin El-Kadihan, Sadr Mahmud ibën Ahmed ibën El-Aziz, Shejh Zejnuddin Muhammed Ibën Ummer El-Atabi si dhe Dhahiruddin Muhammed ibën Ahmed El-Buhari autor i librit „Fetava Edh-Dhahirijeh“.

Imam Ebul Husejn El-Kuduri

Emri i autorit është Ahmed Muhammed ibën Ahmed ibën Xha’fer ibën Hamdan El-Kuduri. Fekih hanefi i Bagdadit, autor i muhtesarit të mirënjohur i quajtur „Muhtesaru’l-Kuduri“. Ka lindur më vitin 362 h. Ishte nga dijetaret që benin klasifikimin dhe vlerësimin e mendimeve të medhhebit për këtë edhe haset shpesh emri i tij në librin „El-Hidaje „ dhe në „El-Hulasah“.

Ishte një dijetar që u lidh me të mesazhi i dijetarëve të medhhebit hanefi, për këtë ai u bë me famë. E shkroi librin „El-Muhtesar“, e shpjegoi librin „Muhtesaru’l-Kerhi“ dhe librin „Et-Texhrid“ në shtatë vëllime, i cili përmbante probleme diskutabile mes diejtarëve të medhhebit dhe dijetarëve të medhhebit shafi.