Imam Ebul Husejn El-Kuduri

Emri i autorit është Ahmed Muhammed ibën Ahmed ibën Xha’fer ibën Hamdan El-Kuduri. Fekih hanefi i Bagdadit, autor i muhtesarit të mirënjohur i quajtur „Muhtesaru’l-Kuduri“. Ka lindur më vitin 362 h. Ishte nga dijetaret që benin klasifikimin dhe vlerësimin e mendimeve të medhhebit për këtë edhe haset shpesh emri i tij në librin „El-Hidaje „ dhe në „El-Hulasah“.

Ishte një dijetar që u lidh me të mesazhi i dijetarëve të medhhebit hanefi, për këtë ai u bë me famë. E shkroi librin „El-Muhtesar“, e shpjegoi librin „Muhtesaru’l-Kerhi“ dhe librin „Et-Texhrid“ në shtatë vëllime, i cili përmbante probleme diskutabile mes diejtarëve të medhhebit dhe dijetarëve të medhhebit shafi.

Kuduri filloi të mbajë ligjërata dhe t’u diktojë nxënësve nga mosha 45 vjeçe. Veç librit Muhtesar të cilin e përpiloi për të birin e tij ai është edhe autor i librit „Et-Tekrib fi Mesaili’l-Hilaf“. Vdiq më 15 Rexheb në vitin 428 të hixhretit në Bagdad dhe që atë ditë u varros në shtëpinë e tij pastaj u bartë në tyrbe në rrugën El-Mensureh dhe u varos pranë Ebu Bekr El-Havarismit, fekih hanefi.