Visitor i nderuar !

Falënderojmë Allahun që me ndihmën e vet na mundësoi ne dhe i hapi web faqes dyert drejt daljes në dritë. Përshëndesim Muhammedin a.s. Pejgamberin e të gjitha kohërave,fisin,shokët dhe ndjekësit e tyre deri në ditën e gjykimit.

Rrethanat përmes dinamizmit të së cilave përshkohet populli ynë,problemet me të cilat ballafaqohet, krizat shoqërore,politike,konfliktet brenda shtetërore,pasojat e armiqësisë së lashtë me fqinjët,dukuritë e reja dhe të vjetra ideologjike pre e së cilës bie mirëqenia e tërësisë së kombit, fërkimet filozofike e kulturore mes orientit (Lindjes) dhe oksidentit (Perendimit), paragjykimet kundrejt trashëgimisë  fetare,varfëria,korrupsioni dhe një varg gati i pambarim i halleve tona e bëjnë ende më të ndërlikuar situatën tonë dhe si pasojë edhe gjetjen e një zgjidhjeje më të mundëshme, më të përshtatshme e më të ndërlidhur me realitetin e unit tonë,me pasuritë tona të trashëgimisë kulturore dhe përvojave shekullore të këtij  grusht populli i cili për fat të mirëose të keq njohu të gjitha drejtimet filozofike,përvojat e sistemeve politiko-shtetërore,pikëpamjet ekonomike e organizimet ushtarake,ndjenjat dhe mësimet e feve më të mdha të botës.

Në mos i njihte teoritë e tyre dhe nuk kishte pas dituri t’i shkruante në letër,ai ishte faktori më i gjallë që me shpirt njohu të mirën dhe të keqen e të gjithë faktorëve të përmendur,ishte pjesa më e gjallë e shoqërisë që mbajti mbi kurrizin e vet gjithë bëmat e tyre ,fushë  e lëvruar nga duart e tyre,mjeti  dhe materiali me të cilin u eksperimentua dhe u vunë në provë rezultatet e sistemeve të caktuara me filozofitë e tyre fetare kulturore që nga antika e deri në ditët e modernizmit tonë. Përmes këtijë pluhëri të ngritur krizash, del në pah tendenca për t’i gjeturë një zgjedhje pozitës së palakmueshme në të cilën kemi ngelur. Përpjekje në të gjitha anët,secila palë pretendonë të jetë ,,mesihu shpëtimtar i deleve të shqiptarit‘‘, ndërkohë që vet Mesihu hesht me zemër të ngrirë, i vrerosur me lejthitjen dhe humbjen e bijëve të mjeruarë të ummetit. Kështu,si pjesë e pandashme e këtij populli, krahu më i rëndësishëm, vet ardhmëria e tij, Forumi i të Rinjëve Muslimanë, e gjeti veten të detyruar, pikë së pari nga Allahu, Shpëtimtari ynë, dhe Muhamedi a.s., mësuesi i ummetit, që përmesë web faqes ,,www.el-ahnaf.net‘‘ të marrë përsipër barrën e cila i takon për të nxjerrë turmën shqiptre të ummetit të madh musliman nga krizat ideologjike, problemet shoqëroro-kulturore, pasiguria jetësore, traumat, shqetësimet shpirtërore e tjerë.

 ,,El-Ahnaf‘‘ nuk është bid’a dukuri e shpikur me një gjenialitet të rrallë, e panjohur për krimtarinë e talentuar shqiptare. Larg kësaj!

,,El-Ahnaf‘‘ gëzohet më tepër se duke larguar pluhurin nga mesihu shpëtimtar i popullit, futet në vallen e gjatë të krijmtarisë kulturore të fisit të vet, kapur dorë për dore me simotrat e saj duke bërë kështu ende më madhështore dollinë e ngritur për gjetjen e shkëlqesisë së tij...

Vizitorë të respektuar!

Faqja ,,El-Ahnaf‘‘ para vetes ka vënë qëllime të cilëve u shërben. Përmes tyre ajo dëshironë që lexuesit shqiptar t’i ofrojë mësimin e pastër dhe orgjinal të fesë së vet, duke i prezentuar atij shkrimet e krijuesve më eminentë të mendimit islam. Ajo, për të arritur këtë qëllim, i ka hyrë një pune shumë të rëndë e të gjatë, mirëpo me guxim të pathyeshëm dhe e bindur në ndihëmën e Allahut shpreson në suksesin e pritur të punës së saj.

Punën e vet web faqja e ndan në disa fusha të shkencave islame, që kështu të japë një pasqyrë të përgjithshme të pasurisë së trashëgimisë shekullore të shkencave të mendimit islam. Në web faqen trajtohen çështje gati nga çdo lëmi e islamistikës: Kur’ani dhe shkencat e tij, sunneti, akideja, fikhu, usuli fikhu, teori filozofike, vështrime rreth disa rrymave ideologjike, fraksione e të ngjashme.

Në këtë rast është shumë e rëndësishme të theksohet se temat të cilat trajtohen, duke i mbetur besnik qëllimit tonë, që lexuesin shqiptar ta njoftojmë me shkrimet e krijuesve më eminent në lëmitë e dhëna dhe jo thjesht t’i prezentojmë atij shkrimet tona; janë punime të dijetarëve të njohur të botës islame, përfshirë gjithë shekujt e krijmtarisë mendore ndër ne muslimanët, si : Imamët e meth’hebeve, Imam Ebu Jusufi, Imam Muhammed Esh-shejbanij, Imam Tahavi, Imam Maturidiu, Imam El-Xhessasij, Imam Ebu Lejth Es-Samerkandij, Imam Pezdevij, Imam Serhasij, Imam Ebu Muin En-Nesefij, Imam Umer En-Nesefij, Imam Merginanij, Imam Jusuf Ez-Zejleij, Kamal Ibën El-Humam, Imam Bedrudin El-Ajnij, Imam Zejn ibën Nuxhejm El-Misrij, Mulla Ali Sulltan El-Karij, Murteda Ez-Zebudij, Shejh Muhammed Emin Ibën Abidin, Shejh Alusij, Abdul-hajj El-Leknevij, Shejh Muhammed Zahid El-Keutherij, Shejhul Islam Mustafa Sabri, Shejh Dhafer Ahmed  Uthmanij Et-Tehanevi, Shejh Abdul-Fettah Ebu Guddeh, dijetrë të tjerë të meth’hebit hanefi dhe shkrime të dijetarëve të meth’hebeve tjera si dhe krijues modern, qofshin të shkollave të meth’hebeve apo përkrahës të mendimit pameth’hebijan, por që veprat e tyre  nuk u janë ofruar, ose u janë ofruar shumë pak opinionit lexues ndër ne, si : Shejh Behit, Shejh Hidrij, Shejh Abdullah Siddik El-Gumarij, Shejh Muhammed Ebu Zehre, Shejh el-Meragij, Ferdi Vexhdij, Mustafa Abdurezak, Shejh Shalltut, Muhammed Zerkani, Dr.Mustafa Sibaij, Dr.Muhammed Behij, Mahmud Seid Memduh, Dr.Muhammed Imareh e dijetarë tjerë më të dalluar.

Pra,në këtë formë, vizitorët tonë do të njihen me krijuesit më të dalluar të këtij shekulli për tematikat e trajtuara në web faqe dhe do të kenë para vetes një tabllo të gjërë të zhvillimit të mendimit në shkencat e caktuara, të rrymave dhe shkollave ekzistuese të mendimit islamik. Kësisoji, vizitori do të jetë tashmë më i  vetëdishëm kur do kërkohej nga ai, si një pjestarë i zakonshëm i islamit që të përcaktohet për pikpamjet e duhuara islame dhe mësimet burimore të tij duke u larguar nga elementet e reja që kanë depërtuar në të.

Lusim Allahun të begatojë muslimanët dhe mbetemi me shpresë se përpjekjet tona do të ndihmojnë lexuesin shqiptar të gjejë veten sa më afër fesë sonë aq të dashur, Islamit dhe mësimeve burimore të tij.